◄♥♥ الشااعـر ســعــد بــن جــدلان ♥♥►

موضوعي يتكلم عن الشاعر العلم سعد بن جدلان الشاعر
الذي تنطق أحاسيسه بكل مايروق لمساعمنا
فيحرك مشاعرنا بقصائده التي تعّبر عن معاناة شاعر
لا أود إن أطيل الكلام
لكن سأدع بعضاً من قصائده تعبر عن مابقى

◄♥♥ الشااعـر ســعــد بــن جــدلان ♥♥► 2

[`~**Â¤!| قصيدة ودنا بالطيب |!Â¤**~`]

ودنا بالطيب بس الدهر جحـاد طيـب
كل ما تخلص مع الناس كنـك تغشهـا
يدك لامدت وفاء لاتحرى وش تجيـب
كان جاتك سالمه حب يـدك وخشهـا
كل ماشبيت نار المحبـه مـع حبيـب
قام يسحـل فـي مشاهيبهـا ويرشهـا
وكل ما واجهت لك فالزمن وجه غريب
مثل ماقال المثـل دام تمشـي مشهـا
وذمةٍ ماهيب تنـدار للحـق المصيـب
جعل قشاش الحطب لاسـرح يقتشهـا

◄♥♥ الشااعـر ســعــد بــن جــدلان ♥♥► 2

۞ قصيدة معكازي ۞

ياللي على شان معكازي تبين لـي
رجلي على حالها وانا على حالـي
والكسر ما هوب في رجلي علي كلي
وانت السبب في الغرابيل اول وتالي
تكفي مراسيلنا العجلات يـا خلـي
عن مخذ الاخبار والا شوف الازوالي
قلبي وقلبك توصل لك وترسل لـي
والله انها اشد من موجات الارسالي
ردن سلامي عليك وجن وقالن لـي
انك ترحب وانا في خاطرك غالـي
ليت الغرابيل جتني من عـدو لـي
إن ما تقاضيت والا بيتقاضـى لـي
لكن من واحـد ذكـره غنـاة لـي
ما زلت احبه,, وابا احبه ولا ابالـي
لامر طـرق بخدراتـه سـلام لـي
كنه يسلـم علـي بصوتـه العالـي
خلوني اسج عن موضوعه احسن لي
والا الغلا,, والله ان يبطي هو غالي

◄♥♥ الشااعـر ســعــد بــن جــدلان ♥♥► 2

--| قصيدة وين أبلقى يالاجاويد فاعل خير |--

أنا وين أبلقى يالاجاويد فاعل خير
حريص على سر المحبين لارسلته
أنا لو أبصبر عام مابان بي تأثير
وهالحين حتى الصبر يومين ما أحتلته
أنا مثل صقار تولع بحب الطير
ولف قلبه فروخ الصورايم وهبلته
تولعت في فرخ قضيب يتل السير
ابي نظرت من لفتة الحر وسبلته
صغير بسنه غير عندي ماهو بصغير
يامغلاه في قلبي وياكبر منزلته
أجمعله سمان الهرج خوف من التقصير
والى جيت ابشرح له كلامي تهيزلته
يجيني منه هيبه معزه سحى تقدير
اقابله عندي علم وأروح ماقلته

◄♥♥ الشااعـر ســعــد بــن جــدلان ♥♥► 2

╝◄ قصيدة ياكبديّ الليّ من الحرمـان منهشمـه ►╚

ياكبديّ الليّ من الحرمـان منهشمـه
فيها مـن العـام نجـارٍ بشاكوشـه
والليّ هشمها شفاتٍ دونهـا حشمـه
أرهى على الليّ تبي نفسي ولا أنوشه
حجزٍ يرّد الرجاوي من ورى خشمه
وأنّ رده الحجز والاّ ضاع فالطوشه
عمّر بيوتٍ علـى بيبانهـا رشمـه
وبطونها بأفخم الشيـراز مفروشـه

◄♥♥ الشااعـر ســعــد بــن جــدلان ♥♥► 2

╝◄ قصيدة لعبة الشطرنج ►╚

انا يوم اجيّ وأمركـم ياوليفـي حنـج
ولا وديّ أقرابـك تلـدّ النظـر فـيّـه
لعبّ بيّ غرامك فالخفا لعبة الشطرنـج
ليا دار لعبه بين الأعضـاء السياسيـه
وسبح بي غرامك سبح موج البحر فاللنجّ
غفلت وغدابي حبّـك شويّـه ..شوّيـه
لاشفت زولك قام يدخل أعظامـي بنـج
أسولف مع العالـم وقلبـي لـه نحيّـه

◄♥♥ الشااعـر ســعــد بــن جــدلان ♥♥► 2

╝◄ قصيدة ياعيون اللي على المرقب تعـلاّ ►╚

ياعيون اللي على المرقب تعـلاّ
مايرب الا المراقيـب الطـوالا
طرتّك منها غثاء البـال يتجـلاّ
نعـسٍ مابينهـا بيـضٍ تـلالا
تذهل إلّي في جواهرهـا تحـلاّ
واهني من ذاق من ريقـك زلالا
لا وجاه الله ومنّ زكّى وصـلاّ
مانبيك الاّ على السنّـه حـلالا
مايرّد الجوع شخبٍ فـي المفـلاّ
ولا يخضّ السعن من ذوده هجالا
أنت غالـي ياوليفـي لا تغـلاّ
يثبت الليّ بيننـا ايـامٍ طـوالا
واللهّ انّي ميسٍ من وصلـك الاّ
فزعةٍ من ربنـا جـلّ وتعـالا
أدخل الضولات من شان أتسـلاّ
كود جرح القلب يبرى ويتشـالا
والمجنّب مـن الأوادم مايخـلاّ
لا سلم من شرّ ذولا ..جـوه ذولا

◄♥♥ الشااعـر ســعــد بــن جــدلان ♥♥► 2

╝◄ قصيدة ون ابن جدلان►╚

ون أبن جدلان من لايع لاعه
كن في كبدي دوافير صناعي
ألعب المنكوس وأحب روباعه
ممنن بالوقت والوقت خداعي
مادريت أن ضحكة الوقت خداعه
شفت مدخالي ولاشفت مطلاعي
لابغيت أسج والا انبسط ساعه
دق قلبي من وراء حدب الأضلاعي
كن مابين الضلوع آلة طباعة
تشتغل لانمت وأقوم مرتاعي
هم قلبي مايفرق تجماعه
غير جر الصوت والناس هجاعي
فاقد لي سلعة وأكبر أبضاعه
سلعة تشراء ولاهيب تنباعي
رفقة الطيب ليا غير أطباعه
أشهد أنها كية توجع أوجاعي
راكب إلي صممه صاحب أصناعه
جمس بيك أب من حديثات الأنواعي
الغريب الي جديد من أنواعه
حوض رفرف مايبي شد وشراعي
لا أونس البنزين عجل تفرقاعه
مخطر من سرعته يقلع أقلاعي
لاتحرك شفت في القاع مشلاعه
والتواير تظهر الماء من القاعي
ينعش القلب الحزين أبتهملاعه
لامشا قام يتهملع تهملاعي
لاوطى الأرض العتش كن تهزاعه
بنت شيخ طامح من ولد راعي
في رجاء الغايب تحرا لمرجاعه
تنقد العشاق وتطق الأصباعي
نفسها من جملة الناس منصاعه
ماتبي إلا واحد ذكره أيشاعي
ينحر اللي يأخذ الطيب بذراعه
الصديق الصافي الصامل الواعي
الوفاء والطيب ساسه ومنباعه
يوم بعض الطيب تقليد وصناعي
لاوصلتوا فأخبروني عن أوضاعه
وأخبروا راعي السمارا عن أوضاعي
أنشدو ويش السبايب بمهزاعه
لاعلي ناقص ولا أبيه فزاعي
ودنا نرضيه ونحاول أقناعه
كان بن مهمل بعد يسمع الداعي
كان يبغا حق للحق قطاعه
نقنعة والحق ماعنه مجزاعي
وكان مبغض في الرياجيل بتاعه
لايجي ناقد ويلحقني أرياعي
لصديق نخلي النفس خضاعه
مانوريه الجفا والتمطاعي
الصداقة عندنا ذخر وطماعه
صحبة ماهيب صحبة تمتاعي
حد جدتها على البرق لماعه
وإن خذت يومين مفعولها ضاعي
إن تليمنا على العز والطاعه
وأن تفرقنا فجوج الله أوساعي
ما أطرد المقفي ليا صفط أشراعه
مخبل اللي للمقفين تباعي
من يحط أذنه على كل سماعه
جاه فرقا مابعدها تجماعي
والزباد أختام هرجي ومطلاعه
يدفعه من ريحة المسك ذعذاعي

وفي الختاااام أســأل الله إن أكون قد وفقت في أختيااار القصايد

والسلام عليكم ورحمة الله وبركاته

أح ـساس مبدع ; توقيع العضو