قصيدة الشاعر القطري:::: حمدان المري


لوما الشعر يكتب عشانك جفيته **** يادانه ماهي ب إياة دانه

ماقد طلب مني رفيق وعصيته **** ولوما عطيته عندي أنها إهانه

يافلسفت شعري وياعذب بيته **** يا قمه أحساسي وقمة حنانه

ياأغلى من اللي بعت واللي شريته **** من فازبك بيصير قايد زمانه

قد شفت بعيونك عذاب وخذيته **** بس أعتبرته شي مثل الامانه

أخاف أعلم به وأخونه فديته **** بس أنا بحياتي ماعرفت الخيانه

تدرين شلي في غرامك جنيته **** أنك خذيتي في عروقي مكانه

كتبت لعيونك قصيد ومحيته **** وصرتي براويز القصيد وكيانه

أما بكاني الوقت والابكيته **** وشلون وأنتي في قساه وليانه

مثلك لويطلبني عيوني عطيته **** لوكان مابيني وبينك ميانه

لن الشعر لوينكتب ماقريته **** الشعردانه وأنتي عيون دانه ....

الله يعافيكم ومشكور على مروركم