|  موضوع: كل ماذعذع علي صلف الهوا - بن فطيس الثلاثاء أغسطس 31, 2010 8:20 pm | |
| [ السلام عليكم ورحمة الله وبركاته
مساكم /صبحكم
الله بالخير والمسرااااات
جبت لكم اليوم قصيدة للشاعر محمد ابن فطيس
لكم القصيدة :
كل ماذعذع علي
كل ماذعذع علي صلف الهوى حدريـة
يكفخ فوادي بصدري قبل يكفـخ ثوبـي
خص لاجا باردن ومذعـذعن عصريـة
يجمع اللي به من الذكرى وياتي صوبي
قبل يلعب بي وانا قد شفت في ماريـة
ضايق"من صبح والهاجوس دوبه دوبي
والله ان كنه يداوي الجـرح بالشبريـه
والجوارح من هواه الصلف ماصدوبـي
لاذكرت اللي رحـل وعيونـه الدريـة
كـل مالديـت فيهـا تهـت لا لدوبـي
تمطر عيوني وخفاقـي سـرا ساريـه
ينعصر وانا دموعـي للوفـا عذروبـي
صمت عن وصل المحبة لانها عذريـة
والردى ماهوب من طبعي ولا بسلوبـي
اذكر انه قال لـي مـرة وش الحريـة
قلت عكس اللي لقيته منك يامحبوبـي
اهتوي طاري هله مـن حبـي لطاريـه
والدروب اللي تجنبهم ماهـي بدروبـي
متعب" رجلي ولو هي صوبهم عبريـة
وابني امالي على الترحيب لاهلوا بـي
واثرني ضايع واصدق قصـة الحوريـة
وش ينجيهم من اثامـي اذا قفـوا بـي
جزت مادام الهوى يبغي عصا سحريـة
وتبت مادام القدر عيا علـى مطلوبـي
قد همومي وين ألاقي الصيـد بالبريـة
وقومة" في وجه ضيفي واعرف ماجوبي
اصغر اهدافي تـزول الدولـة العبريـة
واكبر امالي يغفر الله جميـع اذنووبـي
عدل سابقا من قبل MǾĦĐ-Ž في الثلاثاء أغسطس 02, 2011 3:41 pm عدل 1 مرات |
|
| | موضوع: رد: كل ماذعذع علي صلف الهوا - بن فطيس الثلاثاء سبتمبر 14, 2010 8:18 am | |
| مشكور أخوي المبدع على ابداعك المتواصل تقبل مروري | أح ـساس مبدع ; توقيع العضو | |
|
|
| | موضوع: رد: كل ماذعذع علي صلف الهوا - بن فطيس الثلاثاء سبتمبر 14, 2010 8:53 pm | |
| العفوو . الابداع هو تواصلك |
|
| | موضوع: رد: كل ماذعذع علي صلف الهوا - بن فطيس الجمعة سبتمبر 17, 2010 5:57 am | |
| |
|
| | موضوع: رد: كل ماذعذع علي صلف الهوا - بن فطيس الجمعة سبتمبر 17, 2010 8:50 am | |
| ولا انت ابو دعسان ،،، تواجدك اســ ع ـــدني |
|
