الناس مع الناس .. قضّاية وطر
والكل قيمة ما يجيه من إحتياج


وأول سطر .. ما هو مثل آخر سطر
الأول أبدأ .. لكن الآخر نتاج


والماء من يدينك حلو .. لو هو قَطر
ونهراً على يداً ماهي بيدّك ؟ هماج


وكل شيء ممكن انه يسبّب لك خطر!!
لأنك اتعامل مبادئك .. بمزاج


والانثى للرجّال ؟ زجاجة عطر
واحد يبي العطر.. واحد يبي الزجاج




والشعر إذا ما شدّك من أول شطر ؟
كلام لا يكنى ولا فيه إزدواج


والآدمي على الأضاديد .. إنفطر
لذلك الله سنّ للناس .. بالزواج


من أجمل الاشياء في الدنيا .. المطر
ومن أبشع الأشياء في الدنيا .. العجاج