بسم الله الرحمن الرحيم


الإنسان هو المتحكم الوحيد بنفسيته .. يقدر يسعدها ويقدر يكدرها ..

وكلها بمقاييس هو المتحكم الوحيد فيها ..

إن رضا بكل شئ وحب نفسه.. أسعدها بذكر الله.. وقناعته التامه ان ربي مستحيل يضرة بشئ

ولا يكتب شئ إلا فيه خيره له ...

حالاتنا النفسيه المتذبذبة بين الحزن والهم والنكد والفرح والشعور بالراحه النفسيه

هذه كلها بيدنا وبطريقة تفكيرنا ..

كل فكرة نزرعها براسنا ونؤمن بها .. بنتصرف على اساسها

ان حطيت براسي اني شخص واثق من نفسي .. وان نفسي ماتستاهل مني انا

إلا كل خير

واحبها بدون ما أوصل لمرحلة الغرور اكيد

هنا ابتصرف بشكل سليم مع نفسي ومع أي موقف احتاج فيه لثقتي فيها

وإن صرت بس اقول اني تافه وغيري احسن مني بكل شئ واكررها واعيش الفكرة هذه

هنا اكيد ابفقد ثقتي بنفسي وتصرفاتي الطبيعية

وبصير شخص غير واثق من نفسه وخواف وممكن خجول ..

ويبدأ التحطيم النفسي بدون ما أشعر

وأوصلها لمراحل غبيه متعبه وهذا كله ( بإرادتي )

كل مايزرع براسنا هو بإرادتنا .. كل مانفكر فيه هو بخيارنا

محد بيجبرنا على التفكير بشئ حلو ومريح ولا على شئ مزعج ومخيف

ومن خلالها تبنى نفسياتنا اليوميه

مثال ...


جرب اليوم انك تقول براسك وتحط فيه فكرة ان القادم من الأيام حلوة وكلها خيرة لك ..

وأن اليوم يومك أنبسط فيه مادامك بصحه وعافيه .. وكل شئ صار

بحياتك واللي راح يصير ... هو حلو لاأن ربي اللي أختاره لك ..

لاأنه مستحيل يضرك بشئ


وجرب أزعج تفكيرك شوي وسوسه متعبه .. لحظتها قارن بنفسيتك بين الحالتين

وساعاتها بتعرف انك انت المتحكم في نفسيتك ...

الإنسان المؤمن إن رضا بكل شئ وكل قسمه ربي كتبها له ..

وجعل لسانه رطب بذكر الله .. وتفكيرة كله خير له قبل لا يكون لغيره وأن ربي مستحيل

يضره بشئ .. وتكون نيته صافيه


فكن متأكد أنه بيعيش مرتاح

( لأن اي شئ نفكر فيه ونتعمق فيه بقوة بتصير حياتنا ماشيه عليه )








تصرفات حمقاء نشوفها انتشرت بشكل كبير بين بعض فئات البشر المسكين .

اللي أدت لهم للوصول

الى نفسيات مريضه وأفكار مسمومه ..

من حقد وحسد وغيره



ياكثر ماضيقووها على صدورهم ساعات ..

وصاروا يكرروون هذا عنده وهذاك معه

وانا مالي إلا الفقر وتعاسه الحظ

( رغم اني ما أؤمن بشئ اسمه حظ لأن كل شئ كاتبه ربي )

كثير نشوف ناااس .. همهم اللي بيد غيرهم وتضيق الدنيا بعينه ..

ونسى وتغااافل عن فضل ربي العظيم بكل شئ ..

قل الرضا والقناعة بقلوب بعض البشر ..

وصار الحقد يعبي قلبه وعينه مع الحسد ..

وصار همهم الإنتقام النفسي من انفسهم وهم مايحسون ..

مما أدى الشئ هذا الى نفسيات تعبانه وقلوب مليانه هم وغم وظلمه

وهم اللي جابوه لأنفسهم

لاصار القلب مليان خير للناس ومحسن الظن بالله .. بتصير النفسيه عال العااال

والعكس صحيح ..

حب نفسك .. وتحكم بنفسيتك بشكل سليم

نفسك ماتساهل الهم اللي تجيبه لها بإرداتك .. أرضى بقسمه ربك ولو هي بسيطه

لاأن اساسها خيرة لك ..

عز نفسك عن الكدر والغيرة من الغير

حط برااسك انك غالي على نفسك وان محد بيحبك كثرك

اسعد روحك بذكر الله وبالشئ الطيب تعامل مع نفسك برقي وأحترام وحب

عشان الغير يعاملك بالمثل .. لاتضيق عينك على شئ بيد غيرك .. عشان ماتتعب نفسيتك

لاتخلي قلبك اسود اتجاه اي احد وتعلم تسامح الكل وايا كان

عشان قلبك يرتاح .. .

الله يصلح قلبي وقلوووبكم .. ويبلغنا رمضاان على خير