ترك الحفر ما كان يطري على البال
ولا كنت افكر يوم ما شوف نوره
لين اذرفت دمعه وشفت الكحل سال
وقالتلي وقف والزمن حان دوره
ياما بنينا للهوا صروح وآمال
وانهد صرح الحب وانهد سوره
كانت تنور ليلتي كنها هلال
كانت على ما قيل ثروه وثوره
لاجات شباك المواعيد يختال
من نشوته لاجات ما بطوره
واليوم شفني واقفن ضمن الاطلال
شباكها تشبه اموري واموره
راحوا الرياض وخلوا الدمع همال
وخلوني اشكي ظلم وقتي وجوره
حزين في صدري من الحزن موال
والحزن مشى خاطري تحت شوره
اذكر زمان اول مواعيد واوصال
وليل الغرام يفوح دايم عطوره
ايام كنا نلتقي مثل الاطفال
نكره حضور الصبح ونكره طيوره
نوب آتخيل زولها ضمن الازوال
ويفز قلبي كل ما قلت نوره
واللي بقالي حرف بالي وسنسال
ودفتر قصيد وشمعتين وصوره
حتى الحفر من عقبهم صابه هبال
جالس آنوح وهاض مثلي شعوره
نوره تعالي شوفي الحب ما زال
الحب باقي ما بعد زال نوره
لادري عن اخبارك ولا ادري عن الحال
الفكر سارح والف طاري يزوره
عندي امل وان كان وقت اللقا طال
بأصبر عسى مثلي تكوني صبوره
ودي تعرف بقصتي كل الاجيال
الا الحفراخاف يفقد شعوره